يابحر//أشرف سيد احمد

يا بحر
يا بحر مالك حزين
أرمى همومى بأحضانك
 يثور موجك بالأنين
 و تبكى و نسمع آهاتك
يا بحر أحزانى فى قلبك
 و السر أبدا لا تفشى
عشقتك و راحتى عندك
و أحبابك أبدا ما تنسى
يا بحر جاى اشكى همى ألوان
و إيدك تطبطب و تواسى
هموم شيبتنا قبل الأوان
 و لا عمرى شكيتها حتى لناسى
ياما شايل بقلبك أحزان
و أهلها فاكر ما كنت ناسى
يا بحر فيك الأنس أوطان
 و بحضنك نرمى المآسى
يا بحر من ظلمهم شاكى
الجرح يقتل من الحبيب
دامى و منه دوم باكى
يا بحر افتكرته طبيب
احكم و انا راضى
قال لى السهم أهديته
أسكت و ما تشتكى الجروح
 بكيت و دمعى هديته
 ولا هنساه لو أخد معاه الروح
يا بحر مال الناس طبعهم غريب
قال الناس معادن و الأصل يغلب
قليل الأصل جرحه ماله طبيب
و الأصيل كلامه يشفى و يطيب

بقلمى /أشرف سيد أحمد على