فهم تحماق//ربيع النمري

........فهم تحماق .........
دفنا الماضي ونسيناه
ومبقاش يجينا عل البال
والحاضر ماشي هو لي بغيناه
وباش ندفنوه هادشي محال
والمستقبل راه فين راه
باش نوصلوه خاصنا شحال
ودين الماضي ما خلصناه
كنا نسالوه ولا هو لي كان ايسال ؟
والحاضر كرهنا وكرهناه
سوق ما يقبل غير الجمال
والمستقبل لي شراه شراه
يا بالتخلويض يا بالمال
الماضي دفنا ماشي دفناه
وخلانا مكتفين بالحبال
حتى هاد الحاضر مگواه
گاع الكادح عليه عوال
والمستقبل مهني بهناه
ما يلحق غير لي يديه طوال .
ربيع النمري